Kryeministri Edi Rama zhvilloi sot një takim me kryetarët e bashkive, për performancën lokale në funksion të vizionit “Shqipëria 2030” dhe rrugës së pandalshme drejt anëtarësimit në Bashkimin Europian.

Duke folur për vizionin “Bujqësia 2030”, Rama theksoi se po ecet me procesin për integrimin e inspektorateve.

“Të gjithë inspektoratet do t’i integrojmë në një forcë, në një strukturë të vetme të koordinuar bashkërisht në mënyrë që subjektet e kësaj Republike të mos ndeshen me lloj-lloj inspektorësh nga më të ndryshmit që iu shfaqen tek dera në mënyrë të vazhdueshme, por që inspektimet të kalojnë në një komplet kulturë tjetër dhe nivel tjetër, me planifikime të centralizuara, me lajmërim për subjektet, me të gjitha ato gjëra që, duhet thënë për fat të mirë, është arritur në një nivel të konsiderueshëm vetëm nga inspektorët e tatimeve sot për sot, që kanë patjetër edhe një histori, edhe një kohë më të gjatë që jetojnë nën vëmendjen e publikut, në vëmendjen e sipërmarrjes, në vëmendjen tonë e kështu me radhë. Edhe aty ka plot gjëra për të rregulluar, por të paktën ka një qasje disi më ndryshe”, tha Rama.

Burimi ATSH