Presidentja e Maqedonisë së Veriut, Gordana Siljanovska Davkova theksoi sot në Tiranë se “mbështesim integrimin e përbashkët dhe tregut tonë në Bashkimin Europian”.

Në një konferencë të përbashkët për shtyp me presidentin Bajram Begaj dhe presidentit të Bullgarisë, Rumen Radev, pas samitit të SEECP-së që u mbajt sot në Tiranë me pjesëmarrjen e liderëve të Procesit të Bashkëpunimit të Evropës Juglindore, presidentja Davkova tha se “integrimi në BE duhet të lidhet me reformat dhe kjo na jep mundësi për Planin e Rritjes. Ne të gjithë jemi të ndërgjegjshëm që rruga drejt të ardhmes europiane ecën ndërmjet bashkëpunimit rajonal”.

Ajo shprehu mirënjohje për solidaritetin e treguar. “Ne nuk do ta harrojmë kurrë atë solidaritet, një humanitet dhe një kujdes të tillë”, tha Davkova.

Davkova u shpreh se “mesazhi është që ne nuk duhet të bëhemi një periferi gjeoekonomike, ne na duhet bashkëpunim në kuptimin e infrastrukturës, energjisë, digjitalizim, sepse nëpërmjet bashkëpunimit do të ndërtojmë një rajon më konkurrues”.

Më tej presidentja Davkova e vuri theksin te shpopullimi i Maqedonisë së Veriut.

“Maqedonia e Veriut po haset me eksod dhe shpopullim. Të rinjtë po largohen nga vendet tona dhe kjo në fakt është një tendencë e konsiderueshme, kjo ndodh jo vetëm në ekonomi, por edhe ne duhet që t’i mbajmë ata në vendet tona”, theksoi Davkova.

Presidentja Davkova tha se “nuk duhet të presim që të respektohemi nëse nuk respektojmë njëri-tjetrin. Sa më të bashkuar të jemi, aq më rezistentë do të jemi karshi sfidave. Besoj në unitetin rajonal dhe bëj thirrje për një zë të fuqishëm rajonal, që do të japë formë të ardhmes tonë në Europë”.

Burimi ATSH