Presidenti i Serbisë Aleksandar Vuçiç ka deklaruar se nuk ka ndërmend të urdhërojë ushtrinë që të hyjë në Kosovë.

Në një prononcim për “Financial Times”, kufirit mes Kosovës e Serbisë, Vuçiç i referohet si ndarje administrative.

Ai u shpreh se trupat ushtarake serbe do të tërhiqen nga ajo zonë, sepse siç tha ai, përshkallëzimi i konfliktit nuk do të ishte produktiv për Serbinë që aspiron për t’u bërë anëtare e Bashkimit Europian.

“Pse kjo do të ishte e dobishme për Beogradin? Cila do të ishte ideja? Të shkatërrojmë pozicionin tonë që kemi ndërtuar për 1 vit? Ta shkatërrojmë brenda një dite? Serbia nuk do luftë”, tha Vuçiç për “Financial Times”.

SHBA dhe BE i bënë thirrje Serbisë që të tërheqë ushtrinë nga kufiri me Kosovën.

/tvklan.al