Pas fitores në finalen e Conference League ndaj “Fejnordit” më 25 maj 2022, skuadra e “Romës” rikthehet sërish të luajë në Tiranë.

Këtë herë do të jetë skuadra e “Partizanit” e cila do të presë në një miqësore më 12 gusht skuadrën e drejtuar nga Jose Mourinho.

Për këtë ndeshje ka reaguar edhe kryeministri Edi Rama, i cili në një postim në rrjetet sociale, ka shkruar në italisht se, “Perandori i ri i Romës rikthehet në Tiranë”, teksa ka bashkëngjitur dhe një foto të trajnerit Mourinho dhe, ku konfirmohet pikërisht data 12 gusht, si dita e miqësores mes “Partizanit” dhe “Romës”.