Kuvendi miratoi me 75 vota disa shtesa dhe ndryshime në ligjin “Për sistemin arsimor parauniversitar”.

Po ashtu, Kuvendi miratoi me 73 vota projektligjin për ratifikimin e marrëveshjes së huas ndërmjet Shqipërisë dhe KfW-së për programin për menaxhimin e qëndrueshëm dhe miqësor me klimën në sektorin e mbetjeve të ngurta.

Në seancën e sotme plenare Kuvendi miratoi po ashtu me 81 vota projektligjin “Për pranimin e protokollit për ndryshimin e marrëveshjes së Marrakeshit për subvencionet e peshkimit”.

Po ashtu, me 72 vota pro, u miratua projektligji “Për qeverisjen elektronike”.

Deputetët miratuan, gjithashtu, edhe projektrezolutat për vlerësimet vjetore të veprimtarisë së: lnspektoratit të Lartë të Deklarimit dhe Kontrollit të Pasurive dhe Konfliktit të Interesave; Departamentit të Administratës Publike; Autoritetit të Konkurrencës.

Deputetët miratuan po ashtu edhe disa ndryshime në përbërjen e komisioneve parlamentare.