Në godinën e re të spitalit të Kardiokirurgjisë dhe Kirurgjisë Vaskulare në Qendrën Spitalore Universitare “Nënë Tereza” në Tiranë vijon intensivisht puna për instalimin e pajisjeve më bashkëkohore mjekësore dhe përgatitjen e ambienteve.

Ministria e Shëndetësisë dhe Mbrojtjes Sociale ndau në rrjetet sociale pamje nga kjo godinë, e cila po pajiset me aparatura moderne dhe ekipe të specializuara për zemrën, enët e gjakut dhe reanimacionin.

MSHMS bën të ditur se së shpejti një tjetër investim modern do të jetë në shërbim të pacientëve, me standardet më të larta të kujdesit shëndetësor.

Në katin e parë të godinës do të ketë kryesisht shërbime, të cilat do të ofrohen për studentët dhe për stafet pedagogjike për ngritjen e kapaciteteve të tyre, si dhe logjistika teknike.

Ndërkohë, kati i parë ka të bëjë me shërbimin e kirurgjisë vaskulare. Në katin e tretë ndodhet blloku operator me shtim sipërfaqesh, nga katër salla operatore janë pesë salla të cilat tashmë do të krijojnë kushte më optimale.

Në katin e tretë ndodhet shërbimi intensiv, apo reanimacioni, për të gjithë situatat që kanë vështirësi në trajtim.

Godina ka një sipërfaqe ndërtimi 4000 metra katrorë, me një sipërfaqe të shtuar 500 metra katrorë.

Burimi ATSH