Durrësi vijon të mbetet një nga destinacionet më të frekuentuara turistike në vend, duke mirëpritur çdo vit mijëra vizitorë vendas dhe të huaj, veçanërisht gjatë sezonit veror.

Plazhet e qytetit bregdetar po njohin fluks në rritje pushuesish, ndërsa Durrësi vazhdon të jetë një nga qendrat kryesore të turizmit në Shqipëri, falë vijës së gjatë bregdetare, infrastrukturës turistike dhe ofertës së larmishme për vizitorët.

Kryeministri Edi Rama publikoi sot në rrjetet sociale foto nga Durrësi, ku shfaqen turistë dhe qytetarë që shijojnë fundjavën në bregdet.

Rama i cilësoi pamjet e plazhit plot me pushues si ditë të zakonshme në Durrës.

Burimi ATSH