Në kuadër të forcimit të bashkëpunimit gjyqësor ndërkombëtar dhe shkëmbimit të praktikave më të mira, kryetari i Gjykatës së Lartë, Sokol Sadushi, mirëpriti sot kryetaren e Gjykates së Lartë të Holandës, Dineke de Groot, në vizitën e saj të dytë zyrtare në Shqipëri.

Gjatë vizitës, De Groot u takua me Sadushin, si edhe me gjyqtarë të tjerë, në vijim të dialogut institucional të nisur shtatorin e vitit të kaluar.

Vizita shënoi nisjen e projektit MATRA “Forcimi i rolit të Gjykatës së Lartë përmes bashkëpunimit gjyqësor”, i zbatuar nga Dutch Training and Study Centre for the Judiciary (SSR).

Në këtë kuadër, presidentja De Groot zhvilloi edhe një workshop me gjyqtarët dhe Njësinë Ligjore, duke nxitur diskutimin mbi praktikën gjyqësore, unifikimin e jurisprudencës dhe zhvillimin institucional.

Vizita rikonfirmoi angazhimin e përbashkët për forcimin e shtetit të së drejtës përmes partneritetit dhe bashkëpunimit profesional afatgjatë.

Burimi ATSH