Tirana Airport Partners (TIA) vijon të zgjerojë rrjetin e linjave ajrore, duke forcuar rolin si portë strategjike lidhjeje për Shqipërinë.

AJet ka nisur zyrtarisht operimet në Shqipëri me linjën e re ajrore Istanbul Sabiha Gökçen-Tiranë duke shënuar një hap të rëndësishëm në forcimin e lidhjeve ajrore mes Shqipërisë dhe Turqisë.

Sipas programit, linja do të ofrojë 5 frekuenca javore gjatë muajit mars, ndërsa nga prilli do të ketë fluturime ditore, me një shtrirje deri në 14 frekuenca në javë gjatë sezonit veror.

Tashmë drejt Stambollit ka tre shoqëri që ofrojnë fluturime, Turkish Airlines, Ajet, degë e Turkish dhe Pegasus.

Sipas statistikave të publikuara nga Këshilli Ndërkombëtar i Aeroporteve, TIA mirëpriti 11.6 milionë pasagjerë në 2025, duke shënuar një rritje prej 8,7% krahasuar me vitin 2024.

Gjatë vitit 2025, u shtuan 15 destinacione të reja dhe 7 linja ajrore partnere.

Burimi ATSH