Shehu: Procesi në Hagë një farsë, duan të tjetërsohet e vërteta historike

Deputeti i Partisë Demokratike, Tritan Shehu vlerësoi sot në Kuvend nismën për miratimin e një deklarate të përbashkët ku dënohet gjenocidi serb në Kosovë.


Deputeti i Partisë Demokratike, Tritan Shehu vlerësoi sot në Kuvend nismën për miratimin e një deklarate të përbashkët ku dënohet gjenocidi serb në Kosovë.

Shehu ishte bashkëhartues i projektdeklaratës së bashku me deputetin e Partisë Socialiste dhe kreun e Komisionit të Jashtëm, Igli Hasani.

Gjatë fjalës në foltoren e Kuvendit, Shehu tha se kjo është një betejë e gjatë që PD po e bën prej vitesh për të miratuar një rezolutë ku të dënohen krimet e njerëzimit që janë kryer në Kosovë.

“Sepse Kosova nuk mund ta realizojë një proces të tillë meqë nuk është anëtare e OKB-së. Ne sot miratojmë një dokument shumë të rëndësishëm. Ishin rrethanat që krijuan kushtet që edhe PS ta miratojë këtë rezolutë, si pasojë e procesit të inskenuar në Hagë, ku kërkohet të dënohen ata që luftuan për liri, për drejtësi, për pavarësi, ata që luftuan së bashku me NATO-n dhe me gjithë shtetet perëndimore kundër atij gjenocidi, spastrimi etnik të realizuar nga makina e Millosheviçit”, tha Shehu.

Deputeti i PD-së tha se “ishte kjo luftë që solli pavarësinë e Kosovës”.

“Ishte kjo luftë, e cila bëri të mundur krijimin e kushteve për një stabilitet të ri për rajonin tonë. Çdo tendencë për të njollosur këtë luftë bie ndesh me të vërtetën, me vlerat dhe historinë, me stabilitetin e rajonit, me interesat e shqiptarëve, duke vënë në rrezik dhe stabilitetin evropian”, vijoi ai.

Shehu tha se është detyrë sublime e Kuvendit që të miratojë këtë deklaratë dhe të denoncojë një proces farsë që realizohet në Hagë dhe që kërkon të tjetërsojë të vërtetën historike duke qenë në krahë të atyre që luftuan për liri.

“Na takon neve, Kuvendit të Shqipërisë të miratojmë një deklarim të tillë”, tha Shehu.

/Marrë nga ATSH

Lexo më shumë nga

“Albania’s European Week”

Në kuadër të Albania’s European Week, Ambasadori Petrit Malaj, së bashku me Ministren Këshilltare, Pranvera Teli, mbajtën sot në Kolegjin…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

“Albania’s European Week”

Në kuadër të Albania’s European Week, Ambasadori Petrit Malaj, së bashku me Ministren Këshilltare, Pranvera Teli, mbajtën sot në Kolegjin…