Sot në Qendrën për Hapje dhe Dialog, u zhvillua aktiviteti “Diplomacia dhe Kultura”, me praninë e Ambasadorit të Italisë në Shqipëri, Marco Alberti.

Një takim për rëndësinë e diplomacisë kulturore si element i “soft power”, ku Ambasadori Alberti ndau shembuj konkretë dhe përvoja mbi mënyrën se si strategjitë kulturore nxisin bashkëpunim dhe gjenerojnë vlera afatgjata në bashkëpunim me diplomacinë ekonomike.

Drejtori i Institutit Italian të Kulturës, z. Alessandro Ruggera solli në vëmendje praktika dhe perspektiva mbi promovimin e kulturës italiane në Shqipëri dhe rolin e saj në forcimin e marrëdhënieve kulturore mes dy shteteve.

Në përfundim të takimit, të pranishmit u përfshinë në një diskutim të hapur me Ambasadorin Alberti dhe z. Ruggera, duke krijuar një hapësirë dialogu dhe reflektimi mbi rolin e kulturës në ndërtimin e marrëdhënieve të qëndrueshme midis Shqipërisë dhe Italisë.