Aeroporti Ndërkombëtar i Tiranës (TIA) dhe SKY Express inauguruan destinacionin e ri Heraklion (Kretë) , duke forcuar lidhjet ajrore midis Shqipërisë dhe Greqisë.

Ceremonia u zhvillua në zonën ajrore, në prani të Zv. Kryeministres dhe Ministres së Infrastrukturës dhe Energjisë, znj. Belinda Balluku, përfaqësuesve të Ambasadës së Greqisë, Ambasadës së Shqipërisë në Greqi, SKY Express dhe TIA-s.

Fjalime mbajtën z. Georgios Baliouskas, z. Piervittorio Farabbi dhe znj. Manjola Kaso, duke theksuar bashkëpunimin në rritje dhe zgjerimin e shërbimeve në tregun shqiptar.

Linja e re drejt Heraklionit do të operojë dy herë në javë, çdo të martë dhe të shtunë, dhe do të jetë e disponueshme gjatë gjithë vitit, duke u ofruar pasagjerëve një lidhje të përshtatshme me një nga destinacionet më të njohura të Greqisë.

Ky destinacion i ri përfaqëson një hap të rëndësishëm drejt forcimit të mundësive të udhëtimeve turistike dhe të biznesit midis dy vendeve.