Përmirësimi i infrastrukturës në fshatrat e Pogradecit ku jeton komuniteti arumun ishte në qendër të një takimi mes kryetarit të bashkisë Pogradec, Ilir Xhakolli dhe ambasadorit të Rumanisë në Shqipëri, Octavian Serban.

Gjatë takimit, Xhakolli dhe Serban diskutuan mbi çuarjen më tej të projekteve që bashkia ka për përmirësimin e infrastrukturës në këto zona.

Gjithashtu ata biseduan mbi mundësinë e zgjerimit të aktiviteteve të përbashkëta me karakter kulturor dhe turistik.

Ambasadori Serban shprehu mbështetje për asistencën e Rumanisë për ekspertizë në përfitimin e fondeve të Bashkimit Europian për projekte në Pogradec.

Vizita e ambasadorit Serban vjen pas një dhurate që Ambasada e Rumanisë i bëri spitalit bashkiak të Pogradecit, si një tjetër dëshmi e bashkëpunimit.

Komuniteti arumun në Shqipëri është një urë lidhëse në marrëdhëniet miqësore me Rumaninë.