Drejtori Ekzekutiv i Autoriteti i Aviacionit Civil (AAC), Maksim Et’hemaj, priti në një takim ambasadorin e Sllovenisë në Republikën e Shqipërisë, Jakob Štunf.

Et’hemaj tha se diskutimet gjatë takimit u fokusuan në mundësinë e fluturimeve direkte midis dy vendeve.

Gjithashtu, theksoi ai, “diskutuam për transferimin e njohurive, veçanërisht në mirëmbajtjen e avionëve si dhe përdorimin e burimeve në dispozicion, në varësi të nevojave dhe zhvillimit të profesionistëve të Aviacionit Civil, eksplorimin e potencialeve në fushën e teknologjisë dhe digjitalizimit, si dhe aplikimin e tyre në aviacionin civil”.

ATSH