Guardia di Finanza italiane dhuroi sot dy mjete lundruese për Policinë Kufitare.

Në ceremoninë e dhurimit të këtyre dy mjeteve ishin të pranishëm ministri i Mbrojtjes, Pirro Vengu si dhe drejtori i përgjithshëm i Doganave, Genti Gazheli.

Kreu i DPD-së, Gazheli në takimin që pati me komandantin e përgjithshëm të Guardia di Finanza-s, Andrea De Gennaro, vlerësoi asistencën e dhënë për administratën doganore, në kuadër të marrëveshjes së bashkëpunimit me Guardia di Finanza-s dhe Agjencinë e Doganave dhe Monopoleve Italiane firmosur në prill 2024 në Tiranë, si dhe të projektit “Adriacustom”.

Nga ana e tij, edhe komandanti De Gennaro vlerësoi stadin e lartë të bashkëpunimit dhe shkëmbimit të informacionit midis administratave respektive.

Të dy drejtuesit e lartë shprehën gatishmërinë për vijimin dhe intensifikimin e këtij bashkëpunimi me qëllimin e vetëm, për të bërë sa më të sigurta brigjet tona detare.