Rama: Qendra Spitalore Universitare “Nënë Tereza”, partneritet strategjik me spitalin izraelit!

Kryeministri: Bashkëpunim me Sheba Medical Center, një ndër ekselencat mjekësore në botë


Qendra Spitalore Universitare “Nënë Tereza” në Tiranë po çel një kapitull të ri progresi për shërbimin publik spitalor në bashkëpunim me Sheba Medical Center, një nga ekselencat botërore të mjekësisë, që nga sot është zyrtarisht partneri strategjik i QSUT.

Kryeministri Edi Rama vlerësoi sot se bashkëpunimi do të nisë me Spitalin Onkologjik, për të cilin është gati plani i ri i veprimit, sipas standardeve më të mira ndërkombëtare.

“Do të fokusohemi bashkërisht me partnerët izraelitë për një hop të madh cilësor të kujdesit ndaj pacientëve. Synimi ynë është të forcojmë kapacitetet e shërbimit onkologjik, të rrisim standardet dhe të sjellim zgjidhje moderne për shëndetin e qytetarëve”, theksoi Rama.

Rama u shpreh optimist për garancinë që jep partneriteti strategjik me një ndër qendrat më të shquara të ekselencës mjekësore në botë, spitalin prestigjioz të Izraelit, i cili është rankuar i 9-ti në klasifikimin e përgjithshëm të spitaleve të gjithë botës.

“Jam shumë optimist sot për ecurinë e mëtejshme të transformimit të QSUT dhe për transformimin e Spitalit Onkologjik në një pasqyrë kuptimplotë të një shërbimi shëndetësor ekselent në Shqipëri”, tha Rama.

Kryeministri nënvizoi se ky nuk është një partneritet formal apo një shkëmbim rastësor eksperience, por është një aleancë strategjike e bazuar në mirëkuptimin se krah për krah me lidershipin dhe mjekët e spitalit ne do të arrijmë të krijojmë një sinergji që do ta bëjë këtë transformim.

“I jam shumë mirënjohës Presidentit të Izraelit që gjatë vizitës së tij në Tiranë u tregua shumë i gatshëm të na vendoste këtë kontakt që po e kërkonim prej disa kohësh. I jam shumë mirënjohës drejtuesit të mirënjohur të spitalit Sheba Medical Center, që erdhi personalisht në Shqipëri. Patëm një takim të gjatë dhe në mënyrë shteruese iu qasëm të gjithë problematikës që ne duam të adresojmë. Në atë takim, sinqerisht, mora këtë garanci dhe kjo që po ndodh sot është prova se ai nuk ishte një takim për të kaluar radhën, por ishte fillimi i një pune intensive që e kanë çuar para disa prej të deleguarve të spitalit”, theksoi Rama.

Burimi ATSH

“Albania’s European Week”

Në kuadër të Albania’s European Week, Ambasadori Petrit Malaj, së bashku me Ministren Këshilltare, Pranvera Teli, mbajtën sot në Kolegjin…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

“Albania’s European Week”

Në kuadër të Albania’s European Week, Ambasadori Petrit Malaj, së bashku me Ministren Këshilltare, Pranvera Teli, mbajtën sot në Kolegjin…