Ambasadori i Shqipërisë në Serbi, Dr. Bardhyl Canaj, zhvilloi një takim me Jovanka Visekruna Jankovic, Drejtore artistike dhe Menaxhere e ‘ArtLink’, e cila njëherazi anëtare e bordit të ‘European Festival Association’

Jankovic dy vite më parë ka organizuar koncerte artistike në Tiranë, në bashkëpunim me Orkestrën Simfonike të Radio-Tiranës.

POSTIMI I AMBASADËS SHQIPTARE

Bashkëbisedim tejet produktiv me Znj. Jovanka Visekruna Jankovic, Drejtore artistike dhe Menaxhere e ‘ArtLink’, e cila njëherazi anëtare e bordit të ‘European Festival Association’. Znj. Jankovic ka inicuar aktivitete artistike edhe në kuadrin e ‘Regional Balkan Activities’, që nga viti 2004 ( Qëndra e Festivalit për Ballkanin Perëndimor dhe themeluese e Camerata Balcanica, Dhoma e Orkestrës e Ballkanit Perëndimor), dhe ka organizuar dy vite më parë koncerte artistike në Tiranë, në bashkëpunim me Orkestrën e Sinfonisë së Radio-Tiranës. Të tilla aktivitete artistiko-kulturore janë organizuar edhe në Shkup, Podgoricë, Beograd,etj, si dhe ka implementuar projekte për integrimin profesional të të rinjve në fushën e artit e kulturës.

Diskutuam për projektet e ardhshme në 6 qytete të Rajonit të Ballkanit, në kuadrin e ‘Festival Cities’ që monitorohen nën menaxhimin e ‘Europian Festival Projects’, ku do të propozohen qytetet e Tiranës dhe Gjirokastrës.