Nga Bujar Qesja, Mjeshtër i Madh

Meditimi i thellë më dërgon tek prindërit e mi, kur urtë dhe qetë konsumonin kafenë turke. Bisedonin për halle. Fëmijët po u rriteshin. Gjithandej vështirësi.

Shikoj këta “ushtarë”. Të gatshëm për të më shërbyer. Kohë më parë këto ushtarë i shërbyen edhe prindërve. Kafe dhe pak raki ti zbutin hallet. Eh hallet dhe shqetësimet tona, si pikat e shiut!

Heshtja flet jo rrallë, më shumë se fjala. Kur heshtjen e ndjen, e prek, ajo të bëhet bashkpronar i meditimit tënd. Të josh dhe të kompeson jo pak gjëra.

Meditim i thellë. Jam në studion time. Mjedis frymëzues. Mjetet e mendimit duken pak, për ti vënë në punë pas çastesh të mëvonshme.

Mëngjesi mbetet kryefjala e ditës, udhërrëfyesja e saj. Sa mirë!

Durrës: 10 shkurt 2024