Mohamed Alabbar: “Durrës Yacht & Marina” do të jetë më i bukuri!

Kreu i kompanisë “EMAAR”: Projekti më i rëndësishëm turistik që po zbatohet në vendin tonë po avancon.


Kreu i kompanisë “EMAAR”, Mohamed Alabbar, deklaron se projekti më i rëndësishëm turistik që po zbatohet në vendin tonë, “Durrës Yacht & Marina”, po avancon.

Në një intervistë për emisionin “Opinion”, Alabbar” është shprehur se ky projekt mund të përfundojë për 10 vite dhe do të realizohen rreth 12 mijë apartamente, 300 vende për jahtet si dhe shumë hapësira me shërbime të reja.

Duke shpjeguar me detaje projektin për ndërtimin e “Durrës Yacht & Marina”, Alabbar nënvizoi se po ndërtohet një plazh krejtësisht i ri, të cilin e cilësoi artificial pasi sipas tij do të shtohet tokë e re.

“Jemi duke ndërtuar një plazh të ri.Vendosim tokë të re, bazë të re. Është një plazh komplet i mbrojtur. E quajmë plazh artificial, që do të thotë se ne kontrollojmë dallgët, cilësinë e ujit”, tha ai.

Alabbar u shpreh se “kjo nuk është hera e parë që e bëjmë. E bëjmë në të gjitha projektet tona në të gjithë botën. Ndonjëherë mund të kontrollojmë edhe temperaturën e ujit”.

Ai shpjegoi se fillimisht do të nisë kantieri me 3 ndërtesat e para, ndërsa tek faza e dytë, lëvizin drejt portit të peshkimit e cila në fakt është më pranë qytetit.

Një treg publik peshku, shtëpitë rreth marinës, bare, restorante e hotele janë ndër të shumtat pjesë që përbëjnë këtë projekt madhështor.

“Kemi projektuar një treg publik peshku të mrekullueshëm. Duam të përdorim peshkun e freskët i cili vjen dhe duam të ftojmë restorante, operator ushqimor, pra do të jetë një treg publik. Pjesa e brendshme e portit është marina”, tha ai duke pohuar se e gjithë marina do të jetë përqark dhe shtëpitë do të jenë përreth marinës.

Alabbar deklaroi se “Durrësit do të jetë më i bukur se çdo gjë tjetër”.

“Arsyeja pse ne po punojmë kaq shpejtë është sepse interesi i publikut është kaq i bukur. Është kombinim. Shumica janë shqiptar, por kemi edhe shumë nga Mbretëria e Bashkuar, nga Gjermania, nga Italia, nga Shtetet e Bashkuara dhe nga Dubai”, pohoi Alabbar lidhur me interesin për blerjen e apartamenteve në këtë zonë.

Kreu i kompanisë “EMAAR” shtoi se “pasi ne të hapim 4-5 ndërtesat tona të para, baza e klientëve do të mahniten. E gjithë bota do të vijë këtu”.

Rama: Shqiptarët, fuqi e madhe ekonomike në Greqi

Kryeministri Edi Rama deklaroi sot se, shqiptarët janë fuqi e madhe në Greqi.

Global 360

Baku Kryeqyteti Botëror i Sportit për vitin 2026

Baku, kryeqyteti i Azerbajxhanit, është emëruar Kryeqyteti Botëror i Sportit për vitin 2026 nga Federata Evropiane e Kryeqyteteve dhe Qyteteve…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Kthehuni në Itakë!

Sot në Athinë, ne pamë se kjo diasporë nuk ka më nevojë të shtohet por të kthehet në atdhe.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Rama: Shqiptarët, fuqi e madhe ekonomike në Greqi

Kryeministri Edi Rama deklaroi sot se, shqiptarët janë fuqi e madhe në Greqi.