Shqipëria dhe Republika Çeke, synojnë zgjerimin e bashkëpunimit në fushën e bujqësisë midis dy vendeve, me fokus rritjen e investime, eksporteve dhe bashkëpunimin në fushën e peshkimit.

Ministrja e Bujqësisë dhe Zhvillimit Rural, Anila Denaj priti sot në ambientet e MBZHR, delegacionin e përfaqësuesve të lartë të Dhomës së Senatit të Parlamentit të Republikës Çeke dhe Karel Urban, Ambasadorin e Çekisë në Shqipëri.

“Diskutuam për bashkëpunime potenciale që kanë të bëjnë me kulturat bujqësore me avantazh konkurrues të vendit tonë, si dhe aktivitete bujqësore të lidhura me turizmin, siç është agroturizmi dhe peshkimi sportiv”, u shpreh Denaj .