Delegacioni i Kuvendit të Shqipërisë merr pjesë në Konferencën Rajonale “Kuvendet avancojnë Barazinë Gjinore”

Konferenca ka në fokus kryesisht çështjet që janë thelbësore për avancimin e barazisë gjinore në rajon


Një delegacion nga Kuvendi i Shqipërisë i përbërë nga Kryetarja e Aleancës së Grave Deputete, znj. Merita Bakiu, deputetet znj. Mirela Pitushi dhe znj. Teuta Ramaj si dhe dy anëtarë të stafit mbështetës, së bashku me përfaqësues të Prezencës së OSBE-së në Shqipëri po marrin pjesë në Konferencën Rajonale “Kuvendet avancojnë Barazinë Gjinore” që po zhvillohet në Shkup dhe mikëpritet nga Parlamenti i Maqedonisë së Veriut, mbështetur nga Misioni i OSBE-së në Shkup gjatë datave 22 dhe 24 qershor 2023.

Konferenca ka në fokus kryesisht çështjet që janë thelbësore për avancimin e barazisë gjinore në rajon, duke përfshirë arritjet dhe sfidat aktuale në lidhje me mbikëqyrjen e zbatimit të ligjeve për barazinë gjinore nga parlamentet kombëtare. Promovimi i dialogut, ndërgjegjësimi dhe bashkëpunimi ndërmjet deputetëve nga rajoni do të ndihmojë në krijimin e një platforme për deputetet gra, edhe ato nga Shqipëria për të shkëmbyer përvojat, njohuritë dhe praktikat më të mira me homologët e tyre dhe të avancojnë reformat me qasje të barazisë gjinore.

Znj. Merita Bakiu, Kryetare e Aleancës së Grave Deputete, foli në panelin “Klubet e deputetëve dhe komisionet e Kuvendit si faktorë kyç për avancimin e barazisë gjinore”, duke u fokusuar në aspektet thelbësore të avancimit të barazisë gjinore në zbatimin e legjislacionit, si dhe arritjet në përmrësimin e kuadrit ligjor për të siguruar mundësinë e pjesëmarrjes së grave në politikë, si në pushtetin qëndror dhe atë lokal.

Znj. Mimoza Arbi, Drejtore e Shërbimit Juridik në panelin “Mbikëqyrja e zbatimit të ligjit me bazë gjinore” prezantoi një panoramë të punës në institucionin e Kuvendit me në qendër rolin e Aleancës së Grave dhe të Kuvendit, në zbatimin e programit të veprimit për një Kuvend me ndjeshmëri gjinore duke përfshirë mbikëqyrjen efektive të ligjeve për barazinë gjinore. Programi për një Kuvend me ndjeshmëri gjinore miratuar në vitin 2020 përbën një qasje gjithëpërfshirëse të Kuvendit në ndjekjen gjatë procesit të ligjbërjes dhe zbatueshmërisë së ligjeve.

Pjesëmarrësit në konferencë përfshijnë deputetë nga Ballkani Perëndimor dhe ekspertë të fushës me synimin për të theksuar nevojën për të punuar në ndjekjen e zbatimit të barazisë gjinore në mënyrë që të pranohet përfshirja e parlamentarëve nga rajoni si aleatë dhe avokatë për të shtyrë përpara reformat dhe arritur zhvillim të qëndrueshëm.

“Albania’s European Week”

Në kuadër të Albania’s European Week, Ambasadori Petrit Malaj, së bashku me Ministren Këshilltare, Pranvera Teli, mbajtën sot në Kolegjin…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

“Albania’s European Week”

Në kuadër të Albania’s European Week, Ambasadori Petrit Malaj, së bashku me Ministren Këshilltare, Pranvera Teli, mbajtën sot në Kolegjin…