Ambasadorja e Shteteve të Bashkuara në vendin tonë, Yuri Kim zhvilloi sot një takim me drejtorin e përgjithshëm të Policisë së Shtetit, Muhamet Rrumbullaku.

Lajmin e ka bërë të ditur Ambasada e SHBA-së në Tiranë në një postim në rrjetet sociale, ku vuri në dukje se në fokus të takimit ishte bashkëpunimi në rritje mes dy vendeve në zbatimin e ligjit kundër rrjeteve kriminale, trafikut të drogës dhe kërcënimeve kibernetike.

“Ambasadorja theksoi rolin vendimtar të Policisë së Shtetit në sigurimin e një procesi të sigurt dhe të hapur në zgjedhjet e ardhshme, në përputhje me standardet ndërkombëtare dhe ligjin shqiptar”, bëri të ditur Ambasada e SHBA-së.