Komisioneri Shtetëror i Zgjedhjeve, Ilirjan Celibashi deklaroi sot se “partitë politike, veçanërisht ato parlamentare, duhet të angazhohen për të përfunduar një reformë domethënëse zgjedhore brenda një viti”.

Celibashi reagoi pas publikimit të raportit përfundimtar të ODIHR-it për zgjedhjet parlamentare të 11 majit.

Përmes një deklarate për shtyp, Celibashi u shpreh se do të jetë shenjë serioziteti dhe përgjegjshmërie institucionale dhe politike e të gjithë aktorëve të lidhur me procesin zgjedhor, për të punuar mbi gjetjet dhe rekomandimet e Raportit Final të ODIHR-it për zgjedhjet e 11 majit, si pasqyrë e plotë e këtyre zgjedhjeve.

Sipas tij, “gjykimet dhe vlerësimet mbi gjykimet dhe vlerësimet ‘gjykatësit të zgjedhjeve’ nuk kanë ndonjë dobi”.

“Sa i përket KQZ: Vlerësimet pozitive – thuajse për gjithçka që ky institucion bëri në lidhje me përgatitjen dhe administrimin e këtyre zgjedhjeve – janë shtysë për të bërë akoma më mirë atë që duhet bërë”, u shpreh Celibashi.

Burimi ATSH