Pesë shqiptarët e evakuuar nga Izraeli kanë mbërritur shëndoshë e mirë në orët e para të mëngjesit në Athinë.

Ministri për Evropën dhe Punët e Jashtme, Igli Hasani tha se se “MEPJ përmes ambasadave të saj ka ndjekur me vëmendje në çdo etapë evakuimin e 5 shqiptarëve nga Izraeli, të cilët kanë mbërritur shëndosh e mirë në orët e para të mëngjesit në Athinë”.

Hasani bën të ditur se “3 prej tyre kanë vazhduar rrugën dhe gjenden tashmë në Tiranë; njëri kthehet sonte në mbrëmje në Shqipëri; ndërsa personi i pestë është rezident në Greqi dhe do të qëndrojë në vendin fqinj”.

Disa vende po evakuojnë qytetarët e tyre nga Izraeli dhe Irani mes konfliktit në rritje midis dy kombeve, i cili ka përfshirë sulme të ndërsjella me raketa dhe rritje të numrit të viktimave civile.

Burimi ATSH