Komiteti i Menaxhimit për Zonën e Mbrojtur Mjedisore Parku Kombëtar “Lumi Vjosa” u mblodh sot me prezencën e prefektëve të qarqeve Vlorë, Fier dhe Gjirokastër.

Përgjatë takimit u trajtuan rezultatet e arritura në menaxhimin dhe mbrojtjen e zonave të mbrojtura, si edhe synimet për vitin 2025.

Prefektët Plator Nesturi, Odise Kote e Arben Çuko, kryetarë të Komiteteve të Menaxhimit të Zonave të Mbrojtura në prefekturat që drejtojnë, referuan mbi bilancin dhe realizimin e objektivave në punën njëvjeçare, duke përcaktuan edhe detyrat e objektivat konkrete me fokus: Parkun Kombëtar Vjosa për vitin 2025.

Drejtoresha e Përgjithshme e Agjencisë Kombëtare të Zonave të Mbrojtura, Daniel Pirushi u ndal në të gjithë procesin dhe aktivitetin e institucionit që drejton si dhe në bashkëpunimin me faktorët lokalë, komunitetet, organizmat e Institucionet ndërkombëtare si dhe me stafet shkencore akademike të universiteteve shqiptare.

Pirushi shpjegoi hollësisht Planin Kombëtar të Menaxhimit të Parkut Vjosa, organizimin strukturor e logjistik si dhe detyrat e objektivat për vitin 2025 e në vijim.

Përgjatë takimit u diskutua edhe mbi arritjen e fundit të drejtuar nga Ministria e Turizmit dhe Mjedisit, krijimin e Zyrës së Administrimit të Parkut Kombëtar “Lumi i Vjosës”.

Kjo falë vizionit të përmirësimeve ligjore në Ligjin për Zonat e Mbrojtura.

Burimi ATSH