Presidenti kinez Xi Jinping ka nënvizuar rëndësinë e rritjes së besnikërisë politike në ushtri për të ofruar garanci të fortë për ndërtimin e një ushtrie të fuqishme.

Xi, gjithashtu sekretari i përgjithshëm i Komitetit Qendror të PKK-së dhe kryetari i Komisionit Qendror Ushtarak, i tha këto në një konferencë të punës politike në ushtri të mbajtur në provincën Shaanxi të Kinës Veriperëndimore.

Foto:Xinhua

Ai theksoi nevojën për të mbështetur udhëheqjen absolute të Partisë mbi ushtrinë dhe për të krijuar një ekip kuadrosh me cilësi të lartë që janë besnikë, të pastër moralisht, të përgjegjshëm dhe të aftë për të përmbushur misionin e forcimit të ushtrisë.

Pasi bëri një analizë të thellë mbi problemet në forcat e armatosura të vendit, kreu i shtetit i Kinës vuri në dukje se këto probleme pasqyrohen në mendime, organizimin e strukturave të Partisë, stilin e punës, disiplinë e drejtime të tjera dhe i kanë rrënjët në mangësitë në besnikëri dhe në kultivimin moral. Ai kërkoi që të gjithë ushtarakët, veçanërisht kuadrot e lartë të ushtrisë, të jenë mjaft të guximshëm për të bërë një reflektim të thellë dhe një korrigjim serioz, në mënyrë që të promovojnë punën në një mënyrë të vazhdueshme dhe të qëndrueshme.

Burimi: CRI.CN