Nga Ditmir Bushati

24 Marsi i vitit 1999 mbetet i pashlyer në memorien e kombit tonë, pasi familja euro-atlantike ishte e gjitha në krahun e shqiptarëve që luftonin për liri.

NATO nisi fushatën e sulmeve ajrore për të shpëtuar Kosovën nga spastrimi etnik i forcave serbe, fushatë që zgjati 78 ditë.

Ndërhyrja vendimtare e NATO-s dhe krijimi i Kosovës shtet janë arsye të forta për ne shqiptarët për të nxjerrë mësimet e duhura nga historia.

Gjithashtu, një shtysë për të investuar e kontribuar më shumë për sigurinë, lirinë dhe demokracinë.

Në këtë çerekshekulli nga ndërhyrja e NATO-s që shënoi fillimin e fundit të luftës në Kosovë, le të shprehim edhe një herë mirënjohjen ndaj SHBA-ve dhe aleatëve europianë, pa të cilët nuk do të ishim të lirë.