“Terrori në Kosovë”, poezia e Kadaresë njohu botën me rebelimin e studentëve kosovarë
Sot, Presidentja Vjosa Osmani i dha nënshtetësinë kosovare shkrimtarit Ismail Kadare.
Nga Saimir Z. Kadiu
Sot, Presidentja Vjosa Osmani i dha nënshtetësinë kosovare shkrimtarit Ismail Kadare.
“Terrori në Kosovë” si dhe novela “Krushqit janë të ngrirë“ te gjeniut tone te letrave, bene të njohur per lexuesit botëror rebelimin e studentëve të Kosovës dhe të vërtetën e masakrës së Prishtinës në mars të vitit 1981.
“TERRORI NË KOSOVË”
E hidhur vjeshtë e këtij viti
Kosovën gjeti nën terror.
Korba të zez mbi të ia mbërritën,
Hetues, gjykatës e prokurorë.
Me dhjetë vjet burg, me tetë, me shtatë,
Me dymbëdhjetë dënojnë diku.
Kështu mes jush shekullin ndani,
Dhe mijëvjeçarin ndani ju.
Kështu e prekni historinë,
Mbi supe e mbartni ju sërish.
Prangat në shkollë që i mësonit
Në duar ndjetë befasisht.
Dhe patë se koha e mesjetës
S’qe larg dhe veç në libra s’qe,
Dhe u kthye nata e Prishtinës
Në natë Shën Bartolemeu.
U ngritët ju viganë, fisnikë
Me korrektesë e madhështi.
Ngaqë kërkuat Republikë,
U shtypët si në monarki.
Por koha kurrë s’vjen përgjysmë,
Natë e masakrës vetëm s’mbërrin,
Se pas Dushanit car të frikshëm
Rrufeshëm Skënderbeu arrin.
S’kish déshmitaré, TV nuk pati
Zinxhiri i tankut kurju griu,
Por retë e globit veç ju panë,
Ndërgjegje e botës te ju mbërriu.
Kështu në vorbull të epokës
U ngritët ju si monument,
Ju që e prekët historinë,
Dhe n’histori u kthyet vetë.
1981
Më shumë lajme
