Shqipëria mirëpret Javën Kulturore Kroate prej ditës së sotme deri në 29 shtator, një aktivitet që sjell në vëmendje kulturën, traditat dhe jetën artistike të Kroacisë përmes një programi katërditor.

Ministri i Turizmit, Kulturës dhe Sportit, Blendi Gonxhja bëri të ditur zhvillimin e kësaj jave kulturore, duke e cilësuar atë si një mundësi për të zbuluar Kroacinë përmes kulturës.

Programi synon të sjellë për publikun shqiptar elemente të identitetit kulturor kroat, nga qytetet historike dhe ishujt e bregdetit, te tingujt e muzikës tradicionale dhe shfaqjet e skenës bashkëkohore.

“Katër ditë për të zbuluar Kroacinë përmes kulturës”, shkruan Gonxhja në postimin e tij.

Java Kulturore Kroate zhvillohet në datat 26–29 shtator, duke ofruar një hapësirë për njohjen dhe promovimin e trashëgimisë dhe krijimtarisë bashkëkohore kroate në Shqipëri.