Ambasada e Shqipërisë në Greqi uroi me anë të një postimi, 7 Marsin- Ditën e Mësuesit.

Në kuadër të programit “Mësues për Greqinë”, më 2 Mars 2025, në Athinë, Kryeministri Edi Rama Ministrja e Arsimit dhe Sportit Ogerta Manastirliu dhe Ambasadorja e Shqipërisë në Greqi, Luela Hajdaraga, zhvilluan një takim me 50 mësuesit e parë të përzgjedhur, së bashku me nxënës dhe prindër. ( Fotot janë nga takimi)

Kryeministri Rama vlerësoi kontributin e Ambasadores Hajdaraga për përkushtimin e saj në këtë nismë, si dhe falënderoi mësuesit për rolin e tyre kyç në ruajtjen e gjuhës shqipe.

Postimi i Ambasadës Shqiptare në Greqi

📚 Gëzuar 7 Marsin – Ditën e Mësuesit✨

🗓️ Sot është dita për të nderuar dhe falënderuar mësuesit, dritën e dijes dhe themelin e një shoqërie të fortë. Me përkushtimin dhe pasionin e tyre, ata mbajnë gjallë gjuhën dhe kulturën shqipe për brezat e ardhshëm, veçanërisht në diasporë.

📌 Në këtë frymë, Shqipëria ka hedhur një hap të rëndësishëm në mbështetje të mësimit të gjuhës shqipe në Greqi. Në kuadër të programit “Mësues për Greqinë”, Kryeministri Edi Rama Ministrja e Arsimit dhe Sportit Ogerta Manastirliu dhe Ambasadorja e Shqipërisë në Greqi, Luela Hajdaraga, zhvilluan një takim me 50 mësuesit e parë të përzgjedhur, së bashku me nxënës dhe prindër.

➡️ Kryeministri Rama vlerësoi kontributin e Ambasadores Hajdaraga për përkushtimin e saj në këtë nismë, si dhe falënderoi mësuesit për rolin e tyre kyç në ruajtjen e gjuhës shqipe. Ai theksoi se ky është vetëm fillimi i një programi ambicioz për sigurimin e mësimit të shqipes në të gjitha zonat ku ka fëmijë shqiptarë.

ℹ️ 📄 Si pjesë e këtij procesi, më 2 mars u nënshkruan 50 kontratat e para të punëd mes mësuesve dhe Ambasadës së Shqipërisë në Athinë, duke shënuar një hap të rëndësishëm drejt institucionalizimit dhe mbështetjes financiare të mësuesve që do të jenë ura e gjuhës dhe identitetit shqiptar në Greqi.

🙏🏻 📖 Faleminderit të gjithë mësuesve që me pasion dhe përkushtim mbrojnë gjuhën tonë! Ju jeni drita që ndriçon rrugën e brezave të ardhshëm!✨

#Gëzuar7Marsin #MësuesPërGreqinë #RuajmëGjuhënShqipe #IdentitetiShqiptar #DitaEMësuesit