Ministrja e Bujqësisë dhe Zhvillimit Rural, Anila Denaj priti sot në një takim ambasadorin italian në vendin tonë, Marco Alberti.

Ministrja Denaj bëri të ditur se gjatë takimit u diskutua për thellimin e bashkëpunimit mes dy vendeve në sektorin e bujqësisë dhe zhvillimit të qëndrueshëm.

“Diskutuam mbi ecurinë dhe rezultatet konkrete të projekteve të përbashkëta, që po japin një kontribut të çmuar në modernizimin e sektorit tonë”, shtoi ajo.

Denaj theksoi se po ashtu u diskutua për forma të reja bashkëpunimi, duke vënë në fokus shkëmbimin e eksperiencave dhe inovacionit mes qendrave tona të transferimit të teknologjisë bujqësore dhe përvojës së konsoliduar italiane.