Gjatë vizitës së tij në Tokio, kryebashkiaku i Tiranës, Erion Veliaj u takua edhe me kryetarin e Komitetit të Miqësisë Shqiptaro-Japoneze, Minoru Kiuchi.

“Është gjithmonë kënaqësi të takoj mikun e mirë, Minoru Kiuchi, kryetari i Komitetit të Miqësisë Shqiptaro-Japoneze! Mezi pres më shumë bashkëpunime midis Tokios dhe Tiranës në biznes, turizëm dhe politikë”, shkruan Veliaj.

Më herët, kryebashkiaku i Tiranës, Erion Veliaj u prit dhe nga kryetarja e Bashkisë së Tokios, Yuriko Koike.

Veliaj zhvilloi një vizitë në Tokio të Japonisë, ku përfaqësoi edhe rrjetin e qyteteve anëtare të B40-ës, Presidencën e së cilës këtë vit e mban Tirana.