Gonzato: Rritje e madhe e investimeve të BE-së për arsimin në Shqipëri

Ambasadori i BE-së në Tiranë, i pranishëm në aktivitetin e zhvilluar për “Programin kombëtar të zhvillimit profesional të mësuesve”


Ambasadori i BE-së në Tiranë, Silvio Gonzato tha se Bashkimi Evropian mbështet arsimin dhe të rinjtë në Shqipëri, me qëllim që ata të besojnë se e ardhmja e tyre është në Shqipëri.

I pranishëm në aktivitetin e zhvilluar në Tiranë për “Programin kombëtar të zhvillimit profesional të mësuesve”, Gonzato foli për disa nga programet përmes të cilave Bashkimi Evropian kontribuon për arsimin në Shqipëri. Ai tha se investimet e BE janë rritur masivisht në mbështetje të sistemit arsimor në Shqipëri.

“Ndoshta shembulli më i dukshëm i këtij angazhimi që ne kemi, është programi “BE për shkollat”, përmes së cilit kemi mbështetur rindërtimin dhe rehabilitimin e 64 shkollave në Shqipëri dhe për mendimin tim, ky është një nga programet më fantastike që kemi në Shqipëri. Me kënaqësi e themi se 52 shkolla janë përfunduar. Nga këto shkolla të rindërtuara, nxënësit do të përjetojnë një mjedis të ri për të studiuar dhe do të përfitojnë nga kushtet më të mira për jetën e tyre profesionale”, tha Gonzato.

“Në formë paralele, ne po investojmë shumë edhe për nxënien gjithëpërfshirëse në Shqipëri, që askush të mos mbetet pas. Vjet në lançuam një projekt që vihet në zbatim nga Fondacioni i Shoqërisë së Hapur me anë të të cilit do të përfitojnë 135 000 nxënës e studentë si edhe do të trajnohen 50 000 mësues. Pra një përpjekje masive kjo”, tha ai.

“Ne po mbështesim dhe shkollën për fëmijët që nuk shohin dhe që nuk dëgjojnë, për t’i ofruar kushte dhe mësim sa më cilësor. Ne shohim arsimin si një mjet kryesor për të forcuar bashkëpunimin rajonal. Prandaj ne mbështesim projektin “Supershkollat”, një program fantastik për shkëmbimin shkollor përmes gjashtë vendeve të Ballkanit Perëndimor dhe që menaxhohet nga zyra e bashkëpunimit rajonal rinor. Ky ka qenë sukses në fazën e saj të dytë. Do të kemi dhe 100 shkolla të tjera, 1 200 nxënës që do të përfitojnë nga kjo mundësi fantastike, që u jep mundësi të rinjve të krijojnë kontaktet dhe të krijojnë mundësi në të gjithë rajonin”, tha Gonzato.

“Shtyllë tjetër e rëndësishme për bashkëpunimin është trajnimi dhe arsimi profesional. Pra, në ekonominë e Shqipërisë ne shohim nevoja urgjente për sa i përket aftësive në sektorë kyç, si turizmi…etj. Pra, ne kërkojmë shumë që institucionet shqiptare, por edhe sektori privat, të jenë optimal për sa i takon arsimit profesional në Shqipëri. BE investon edhe në zhvillimin aftësive dhe punësimin të të rinjve”, tha ai.

Sipas tij, “Në Shqipëri më shumë të rinj sesa duhen sot nuk janë as në arsim, as të trajnuar, dhe as në punësim, prandaj ne po ju mbështesim me programin “Garancia Rinore”, që është i aplikuar dhe në vendet e Bashkimit Evropian. Kjo skemë është novatore, duke u dhënë subvencione kompanive që të marrin në punë të rinjtë nën moshën 30-vjeçare, është mjaft e suksesshme. 24 milionë të rinj kanë përfituar nga këto skema në BE. Pjesa e parë pilot e kësaj skeme është lançuar në Tiranë, Shkodër e Vlorë, pres të zgjerohet në të gjithë vendin”, tha Gonzato.

Ai solli në vëmendje dhe nismën “Erasmus plus”, duke theksuar se është “një tjetër mundësi për shkëmbime akademike. Nga kjo nisëm kanë përfituar 10 000 të rinj shqiptarë që kanë përfituar nga Erasmus që prej vitit 2014. Shqipëria merr pjesë edhe në nisëm e Universiteteve Evropiane, ashtu sikurse edhe të BE. Kjo ndihmon në krijimin e aleancave për universitetet e së ardhmes. Pjesë e nismës është dhe Universiteti i Durrësit tashmë”, tha ai.

“BE ka qenë shumë i shpejtë sa i përket kampusit për kolegjin e Evropës, një ide e lançuar nga Këshilli i Ministrave. Ky institucion ka trajnuar ato që janë bërë politikëbërësit e BE, ata të së ardhmes. Nga ky kampus i ri, do të hapen mundësi për të rinjtë evropianë nga BE dhe rajoni. Ne do të vazhdojmë bashkëpunimin me ju për t’iu ofruar mundësi të rinjve në Shqipëri. Të rinjtë duhet të besojnë se ardhmja e tyre është në Shqipëri”, përfundoi Gonzato.

(Marrë nga ATSH)

Hasani takon homologun indian Jaishankar: Fokus, thellimi i marrëdhënieve ekonomike

Ministri për Evropën dhe Punët e Jashtme, Igli Hasani u prit sot nga ministri i Punëve të Jashtme të Indisë,…

Global 360

Osmani: Qeveria dhe aleatët të ulen e të merren vesh për dinarin

Presidentja Vjosa Osmani ka deklaruar se problemi që lindi mes Qeverisë së Kosovës dhe ndërkombëtarëve në lidhje me rregulloren e…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

“Mes frikës dhe frymëzimit”, Maks Velo në studion time!

"Maksi qeshi, duke më thënë: Po të rrëfej diçka që s’ia kam thënë askujt më parë..."

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Hasani takon homologun indian Jaishankar: Fokus, thellimi i marrëdhënieve ekonomike

Ministri për Evropën dhe Punët e Jashtme, Igli Hasani u prit sot nga ministri i Punëve të Jashtme të Indisë,…