Ministri i Mbrojtjes, Niko Peleshi uroi sot Krishtlindje të gëzuara për çdo efektiv të Forcave të Armatosura.

“Përulemi para sakrificës, përkushtimit dhe punës tuaj të palodhur për ta ngritur edhe më lart emrin e Forcave të Armatosura si një anëtare e denjë e NATO-s”, theksoi Peleshi në urimin e tij.

Ai bëri një urim të veçantë edhe për të gjithë ata efektivë që këto festa i gjejnë në misione, larg familjes.

“Festa të gëzuara dhe begati për ju dhe familjet tuaja! Qofshi të bekuar”, u shpreh Peleshi.