Menaxheri i platformës më të madhe online të librit shqip, Bukinist.al, Dr. Albert Gjoka ishte i ftuar në aktivitetin e organizuar në kuadër të fushatës së “16 ditëve të aktivizmit kundër dhunës me bazë gjinore” nga organizatat “Gruaja tek Gruaja” dhe “ZDB” në qytetin e Shkodrës.

Të pranishëm ishin edhe poetja dhe botuesja Rita Petro dhe drejtoresha e Bibliotekës “Marin Barleti” në Shkodër, Ledia Dushi.

Takimin e drejtoi autori dhe aktivisti Suad Arilla.

Në këtë takim u theksua rëndësia e promovimit të letërsisë feministe si një rrugëtim që e ndihmon secilin prej nesh për të kuptuar gruan dhe vetveten përmes procesit të leximit. Bukinist.al ka listuar rekomandime të kësaj literature të cilat i gjeni online tek: https://bit.ly/3uKLPTg

Në fund të takimit, të pranishmit morën libra dhuratë nga organizatat “Gruaja tek Gruaja” dhe “ZDB”, të cilat, së bashku me ekipin e Bukinist.al, – i ftuam lexuesit që të ndajnë përvoja leximesh për librat që u kanë pëlqyer nga letërsia feministe.

Për tri përshtypjet më të mira do të ketë çeçe librash (gift cards) në vlerat 2000, 3000 dhe 5000 lekë të reja.

Përshtypjet mund të dërgohen tek e-maili: [email protected] deri më datë 26 dhjetor 2023. Duke falënderuar përzemërsisht organizatorët dhe autorin Suad Arilla, po ndajmë me ju disa foto nga momentet e takimit.