Nga Dritëro Agolli

Mes katër rrugëve

Mes katër rrugicave hesht në mëngjes.
Të shkoj nga e majta, të ngas nga e djathta?
A ndofta më mirë të pres
Ashtu si heroi në përrallat e lashta.
Jam lodhur.

Më duhet patjetër të gjej një njeri
Këtu në gurore ku rrahën çekiçët,
Të nisem në gjurmët e tij,
Mbështetje ta kem, mos më bjerë të fikët.
Jam lodhur.

Ai e di mirë se ç’rrugë të mbaj,
Veç dua të vijë e pas tij të mbështetem.
Në vend kur të arrijmë pastaj,
Të kthehet nga erdhi, të mbetem i vetëm.
Jam lodhur.

26 gusht 1998

(Libri “Prit edhe pak“)

(Marrë nga faqja në Facebook e Elona Agolli)