Milanoviç dhe Manastirliu, vizitë në laboratorin e ri të teknologjisë në shkollën “Ahmet Zogu” në Kamzë

Presidenti i Republikës së Kroacisë, Zoran Milanoviç ndodhet në Shqipëri për një vizitë dyditore me ftesë të Presidentit të Republikës së Shqipërisë, Bajram Begaj.


Presidenti i Republikës së Kroacisë, Zoran Milanović, vizitoi shkollën e re “Ahmet Zogu” në Kamzë, ku pa nga afër laboratorin e ri të teknologjisë, të mundësuar nga qeveria kroate.

Në këtë vizitë, Milanoviç shoqërohej nga Zonja e Parë e Kroacisë, Sanja Musiç Milanoviç, ministrja e Arsimit dhe Sportit, Ogerta Manastirliu, kryetari i bashkisë Kamzë, Rakip Suli dhe përfaqësuesja e përhershme e UNDP në Shqipëri, Monica Merino.

Presidenti i Kroacisë Milanoviç dhe ministrja Manastirliu, kanë nënvizuar rëndësinë e investimeve në arsim, që u shërbejnë gjeneratave të ardhshme.

“Jam vërtetë i lumtur dhe i emocionuar kur shoh që paratë e popullit kroat janë përdorur për një mision fisnik, që t’i bëjmë të rinjtë më të mirë, më të ditur dhe më të gatshëm për sfidat e sotme”, – tha Presidenti i Kroacisë, Zoran Milanoviç.

Ministrja e Arsimit dhe Sportit, Ogerta Manastirliu i shprehu mirënjohjen Presidentit të Kroacisë për solidaritetin e treguar dhe ndihmën e dhënë për investimet në arsim, pas tërmetit të 26 nëntorit 2019.

Manastirliu tha se “pamë nga afër laboratorin e ri të teknologjisë, të mundësuar nga qeveria kroate, ashtu si 7 laboratorë të tjerë në shkolla, që u shërbejnë mbi 4 mijë nxënësve”.

Ajo u shpreh se “kjo është një tjetër dëshmi e fuqisë transformuese që ka solidariteti mes popujve për formimin e gjeneratës së ardhshme, siç e tregoi populli mik kroat, me mbështetjen për arsimin pas tërmetit të 26 nëntorit.

Ministrja Manastirliu falënderoi kryebashkiakun Rakipi, bashkinë e Kamzës dhe partnerët e UNDP për punën e bërë me programin e rindërtimit të shkollave.

“Me mbështetjen e qeverisë shqiptare, u bë e mundur që Kamza të jetë një model për shkollat e reja, me standarde europiane”, tha ajo.

Ministria e Arsimit dhe Sportit, në bashkëpunim me bashkitë dhe partnerët ndërkombëtarë, po investojnë në 60 shkolla në të gjithë vendin, 30 prej të cilave janë drejt përfundimit, dhe duke filluar nga viti tjetër, hapen kantieret në 30 shkolla të tjera.

Presidenti i Republikës së Kroacisë, Zoran Milanoviç ndodhet në Shqipëri për një vizitë dyditore me ftesë të Presidentit të Republikës së Shqipërisë, Bajram Begaj.

Marrë nga ATSH

“Netët e Filmit Shqiptar”, në Kosovë

Një nismë që përmes artit dhe kujtesës së përbashkët sjell më afër publikut në Kosovë trashëgiminë e pasur të kinematografisë…

Global 360

Rutte: Shqipëria ka mbështetjen e NATO-s

Kryeministri Edi Rama u takua sot në Bruksel me sekretarin e përgjithshëm të NATO-s, Mark Rutte

Diplovista

Hasani për ”Kathimerini”: Të thellojmë bashkëpunimin bazuar në interesat strategjike

Tri javë pas rizgjedhjes së Edi Ramës, ministri i Jashtëm i Shqipërisë, Igli Hasani vizitoi Athinën, ku u takua edhe…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Diella dhe hija e së shkuarës!

Është fakt se AI po bëhet gjithnjë e më shumë pjesë e jetës së përditshme kohët e fundit

Profil

Elisabeta Katiaj – Zëri i gruas në biznes dhe në diasporë

Si nënkryetare e Dhomës së Biznesit të Diasporës Shqiptare, Katiaj ka ndihmuar në ngritjen e një platforme të fortë për…

Masmedia

“Netët e Filmit Shqiptar”, në Kosovë

Një nismë që përmes artit dhe kujtesës së përbashkët sjell më afër publikut në Kosovë trashëgiminë e pasur të kinematografisë…