I Ngarkuari me Punë i Shteteve të Bashkuara të Amerikës në Shqipëri, David Wisner vizitoi Shëngjinin dhe afganët në pritje të tranzitit për në Shtetet e Bashkuara.

Ai u takua me punonjësit socialë frymëzues amerikanë dhe shqiptarë që ndihmojnë afganët gjatë qëndrimit të tyre në Shqipëri, njoftoi sot ambasada e SHBA në Tiranë.

Deri më sot, mbi 3200 afganë kanë përjetuar mikpritjen legjendare të Shqipërisë para se të zhvendoseshin përfundimisht në shtete të tjera, përfshirë Shtetet e Bashkuara.