E dërguara e posaçme e SHBA-ve për Çështjet Globale të Rinisë, Abby Finkenauer, vizitoi Shqipërinë, një nga vendet e para që ajo ka vizituar në këtë rol.

Gjatë vizitës së saj, Abby u takua me liderë të rinj në Tiranë dhe Vlorë, pjesëmarrës në nismat e mbështetura nga ambasada, përfshirë Këshillin Rinor, Ambasadorët e Natyrës, Youth Lead, Shkollat si Qendra Komunitare dhe Laboratorin e Gazetarisë Investigative.

Ajo u takua gjithashtu me ministren e Rinisë Bora Muzhaqi për të diskutuar qëllimin e përbashkët të vendeve tona për fuqizimin e të rinjve.

POSTIMI I AMBASADËS SHBA

Ishte kënaqësi të prisnim Abby Finkenauer, të dërguarën e posaçme të SHBA për Çështjet Globale të Rinisë, në Shqipëri, një nga vendet e para që ajo ka vizituar në këtë rol.

Abby përgëzoi të gjithë ata që takoi për punën e tyre për të udhëhequr ndryshimin ndërsa ndau historinë e saj të të qenit gruaja më e re nga shteti i saj për të shërbyer në Kongres. Abby u shpreh se ajo ishte vërtet e mahnitur nga talenti dhe energjia e të rinjve shqiptarë dhe se mezi pret të kthehet.