Përmeti është shndërruar në një nga qytetet më të vizituara nga turistët dhe tashmë është një destinacion ndërkombëtar, i rekomanduar nga agjencitë më të mëdha turistike dhe mediat më të rëndësishme.

“Përmeti është një qytet i bekuar nga Zoti”, thotë Agron Jonuzi, i pasionuar pas fotografisë dhe që transmeton live në Facebook çdo aktivitet kulturor dhe sportiv që zhvillohet në qytet.

Me aparatin e tij, ai ka fiksuar edhe këtë pamje përrallore të marrëdhënies së përjetshme të qytetit me lumin e Vjosës, lumi i vetëm i egër i mbetur në Europë, dhe që së fundi zona ku rrjedh ai është shpallur “Park Kombëtar”.

Agron Jonuzi, së bashku edhe me Lorenc Fezgën, edhe ky një përmetar, drejtojnë grupin “Unë jam Përmetar”, dhe që numëron mbi 13 mijë anëtarë, e shndërruar tashmë në një media të rëndësishme lokale dhe me ndjekës thuajse në të gjithë botën.