Balluku takon Cohen: Shqipëria mbështet Izraelin në arenën ndërkombëtare

Zv.kryeministrja e Shqipërisë, Belinda Balluku, takon ministrin e Jashtëm të Izraelit, Eli Cohen, në Jeruzalem.

Zëvendëskryeministrja e Shqipërisë, Belinda Balluku, e siguroi ministrin e Jashtëm të Izraelit, Eli Cohen, gjatë takimin e tyre në Jeruzalem, se Shqipëria do të vazhdojë të mbështesë Izraelin në arenën ndërkombëtare në sajë të rolit të saj, si anëtare e Këshillit të Sigurimit të OKB-së.

Burime diplomatike nga Izraeli, thanë se dy bashkëbiseduesit dënuan veprimtarine agresive dhe terroriste të Iranit me sulmet kibernetike, që çoi në ndërprerjen e marrëdhënieve mes Shqipërisë dhe Iranit.

Ministri Cohen theksoi se është e rëndësishme përfshirja e Gardës Revolucionare të Iranit, si një organizatë terroriste në Evropë. Të dy ranë dakord të vazhdojnë dialogun dhe bashkëpunimin e ngushtë mes dy vendeve.

Në takimin e sotëm mes ministres së Jashtme Eli Cohen dhe Zëvendëskryeministres së Shqipërisë, Belinda Balluku, gjithashtu u ra dakord për vazhdimin e thellimit të bashkëpunimit strategjik dhe politik mes dy vendeve.

Ndër të tjera, të dy diskutuan mundësinë e hapjes së linjës direkte të fluturimit ndërmjet Izraelit dhe Shqipërisë.

Ministri Cohen shprehu dëshirën që së shpejti të zhvillojë një vizitë reciproke në Shqipëri për të promovuar edhe më shumë marrëdhëniet mes dy vendeve dhe mes Izraelit dhe vendeve të tjera të rajonit të Ballkanit, “ka kimi të mirë mes vendeve tona”, theksoi zv.kryeministrja shqiptare.

Ministri i Jashtëm Eli Cohen vlerësoi luftën e kryeministrit shqiptar kundër antisemitizmit dhe javën e hebrenjve që do të festohet në vend dhe përmendi takimin e ngrohtë mes tij dhe kryeministrit Edi Rama, rreth një javë më parë në Davos.

Vizita e Zëvendëskryeministres së Shqipërisë përkoi edhe me Ditën Ndërkombëtare të Përkujtimit të Holokaustit, në Ministrinë e Punëve të Jashtme. Balluku vlerësoi kontributin e Shqipërisë në ruajtjen e kujtimit të Holokaustit.

Në fund të takimit, ministri Cohen, i dhuroi zëvendëskryeministres shqiptare dy kopje të librave të shkruar nga Yuvale Fischer, një zyrtar i Ministrisë së Jashtme që shërbeu për disa vite në misionin izraelit në Tiranë dhe që merret me marrëdhëniet Izrael-Shqipëri në aspekte të ndryshme.

Rama: Prokurimi i Përqendruar, më shumë transparencë dhe eliminim i burokracive

Kryeministri Edi Rama deklaroi sot se modeli i ri i Prokurimit të Përqendruar garanton më shumë siguri e transparencë, më…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Rama: Prokurimi i Përqendruar, më shumë transparencë dhe eliminim i burokracive

Kryeministri Edi Rama deklaroi sot se modeli i ri i Prokurimit të Përqendruar garanton më shumë siguri e transparencë, më…