Përfaqësues të ambasadës gjermane dhe të KfW vizituan Shkodrën për të biseduar me kryetarin e bashkisë, Benet Beci dhe administratën vendore mbi të ardhmen e zonës.

Vizita e zhvilluar gjatë javës së shkuar, në qendër të vëmendjes kishte strategjinë “Gateway to the Alps”, një koncept ambicioz, i cili përmes masave të gjera ndërtimore dhe rikonstruksioneve synon ta bëjë qytetin dhe rrethinat më tërheqëse për turizmin.

Shkodra, si “porta hyrëse” në zonën malore, duhet të tërheqë më shumë vizitorë, duke gjeneruar impulse të reja ekonomike.

Bashkia paraqiti një koncept bindës, i cili jo vetëm që shpalos potencial turistik, por gjithashtu premton efekte të gjera në përfitimin e të ardhurave dhe shpërndarjen e tyre, bëri të ditur ambasada gjermane në një njoftim për shtyp.

Ambasada thekson se po shqyrton një mundësi bashkëfinancimi (së bashku me Bankën Evropiane të Investimeve – EIB), për të mbështetur këtë projekt premtues.

Burimi ATSH