Në Shqipëri vijon procesi i votimit për zgjedhjet e 11-ta parlamentare. Janë 5,225 qendra votimi në të gjithë vendin të cilat do të mbyllen në orën 19:00.
Sipas të dhënave të publikuara nga Komisioni Qendror i Zgjedhjeve për sa i përket pjesëmarrjes, deri në orën 12:00 kanë votuar 21.90% të zgjedhësve.
Sipas KQZ-së është raportuar nga 2129 qendra, nga 5225 Qendra Votimi në total. Deri tani kanë votuar 312 214 zgjedhës në listën e Qendrave të Votimit të raportuara.
Në garë për të siguruar shumicën e 140 mandateve në Kuvendin e ri, janë 11 subjekte politike kandidatët e të cilëve janë vendosur në lista të hapura dhe të mbyllura.
Sipas të dhënave të publikuara nga Ministria e Brendshme, e kanë 3,713,761 shtetas shqiptarë, brenda e jashtë vendit, nga të cilët 114,642 të rinj do të votojnë për herë të parë.
Burimi ATSH
