Gjatë vizitës së tij në Tiranë, ministri i Sportit të Arabisë Saudite, Princi Abdulaziz bin Turki Al-Faisal zhvilloi një takim kokë me kokë me Presidentin e KOKSH, Fidel Ylli.

Ndër temat më të rëndësishme që u diskutuan ishin ato të rritjes së frymës olimpike mes vendeve islamike, format e bashkëpunimit mes Komiteteve Olimpike dhe shkëmbimit të eksperiencave.

Princi pati mundësinë të informohet edhe rreth projektit madhor të KOKSH ‘Tirana Olimpic City’ dhe për mundësitë e bashkëpunimit dhe të financimit.

Edhe një vit më parë Presidenti Fidel Ylli dhe Princi Abdulaziz bin Turki Al-Faisal janë takuar në Riyadh, ku kanë firmosur memorandumin e bashkëpunimit mes 2 Komiteteve Olimpike, atij Shqiptar dhe të Emirateve te Bashkuara.