Presidenti i Kinës Xi Jinping, njëherësh kryetar i Komisionit Qendror Ushtarak, inspektoi të martën forcën e desantëve ajrorë. Ai theksoi se desantët ajrorë luajnë një rol të veçantë e të rëndësishëm në forcat ushtarake dhe në sistemin e luftimit. Ata duhet të zbatojnë kursin strategjik ushtarak të epokës së re e të përmbushin kërkesat për tranzicionin e forcave ajrore, duke forcuar në mënyrë të gjithanshme stërvitjen dhe përgatitjen luftarake të trupave dhe duke ngritur në mënyrë të gjithanshme aftësinë luftarake të zbarkimit nga ajri, për të krijuar një forcë desantimi të fuqishme dhe moderne.

Foto nga Xinhua

Gjatë vizitës, Xi inspektoi pajisjet e luftimit dhe të mbështetjes së zbarkimit nga ajri dhe u njoh hollësisht me manovrueshmërinë teknike e taktike të armëve tipike. Ai shprehu kënaqësinë e vet të madhe për rezultatet e krijimit të sistemit të armëve dhe pajisjeve të desantimit vitet e fundit dhe theksoi se duhet të nxitet standardizimi, serializimi dhe universalizimi i armëve e pajisjeve të zbarkimit nga ajri, si edhe përdorimi i tyre në luftë reale, për të formuar sistemin e tipit të ri të pajisjeve të zbarkimit ajror.

Burimi: CRI.CN