Muaji shtator mbyllet me javën kulturore të Kinës në vendin tonë.

Kryeministri Edi Rama, duke ndarë pamje promovuese nga aktivitetet që pritet të zhvillohen gjatë Javës Kulturore Kineze, thekson se në fokus janë folklori, kulinaria, cirku..etj.

“Shqipëria mikpret botën”, shkruan Rama. “Muaji shtator mbyllet me Javën e Kulturës Kineze: folklor, kulinari, cirk, ekspozitë fotografike, koncerte e festa. Prej 25 shtatorit deri më 1 tetor, Kina e largët shpaloset me të gjitha ngjyrat e saj”, nënvizon Rama.

7 ditët e kulturës kineze do të jenë të mbushura me folklor, kulinari, cirk, ekspozitë fotografike, koncerte e festa në shesh.

Javët Kulturore Ndërkombëtare (JKN) janë një nismë e Ministrisë së Kulturës që sjell në Shqipëri tingujt, imazhet, aromat dhe shijet e vendeve të ndryshme të botës. Pas një programi të suksesshëm përgjatë vitit 2022, ministrja e Kulturës, Elva Margariti vendosi të vijonte këtë program edhe në 2023-shin.

Edicioni i dytë i JKN që nisi në maj, përfundon më 30 nëntor 2023. E konceptuar si një paradë kulturore ndërkombëtare, e shtrirë përgjatë gjithë vitit, JKN është vazhdimi, përfshirja dhe unifikimi nën një brand i një tradite disavjeçare të organizimit të javëve, dedikuar bashkëpunimit kulturor.