Kuvendi miratoi sot dekretin e Presidentit të Republikës për emërimin e Taulant Ballës në postin e ministrit të Brendshëm, me 75 vota pro, 16 kundër, 1 abstenim.

Kuvendi gjithashtu miratoi me 84 vota pro, 3 kundër dhe 3 abstenim, dekretin e Presidentit për shkarkimin e Bledi Çuçit nga detyra e ministrit të Brendshëm.

Gjithashtu sot në Kuvend u miratuan:

Raporti i veprimtarisë së Komisionit Qendror të Zgjedhjeve për vitin 2022 me 72 vota pro, 1 abstenim, 18 kundër;

Raporti i veprimtarisë së Autoritetit për Informimin mbi Dokumentet e Ish-Sigurimit të Shtetit për vitin 2022 votohet me 73 pro, 18 kundër, 1 abstenim;

Raporti i veprimtarisë së INSTAT për vitin 2022 votohet me 72 pro, 18 kundër, 1 abstenim;

Raporti i veprimtarisë së ILDKP dhe Konfliktit të Interesave për vitin 2022 votohet me 72 pro, 4 abstenim, 11 kundër;

Raporti i veprimtarisë së Entit Rregullator të Energjisë votohet me 73 pro, 17 kundër, 1 abstenim;

Projektligji “Për menaxhimin e garancive dhe kredive shtetërore të pakthyera” votohet me 73 pro, 17 kundër, 2 abstenim;

Projektligji “Për ratifikimin e marrëveshjes ndërmjet Këshillit të Ministrave dhe Republikës së Shqipërisë dhe qeverisë së Republikës së Italisë lidhur me një hua koncesionale për programin ‘përmirësimi i rrjetit të shpërndarjes së energjisë elektrike në Shqipërinë Veriore pas tërmetit të vitit 2019’” votohet me 82 pro, 1 kundër, 1 abstenim;

Ndërsa u rrëzuan projektligji ‘Për disa shtesa në ligjin nr.107/2014 ‘për planifikimin dhe zhvillimin e territorit’ i ndryshuar votohet me 22 pro, 72 kundër, 0 abstenim dhe projektligji ‘Për disa shtesa dhe ndryshime në ligjin nr.55/2015 ‘Për investimet strategjike’ votohet me 22 pro, 72 kundër, 0 abstenim.