Ish-presidenti brazilian, Fernando Collor de Mello u dënua me tetë vjet e 10 muaj burg për ryshfet dhe pastrim parash.

”Collor de Mello, 73 vjeç, mori rreth 30 milionë realë (6,0 milionë dollarë) ryshfet nga një filial i kompanisë shtetërore të naftës ‘Petrobras”, tha dje Gjykata e Lartë e Brazilit.

Collor de Mello, i cili ishte president i Brazilit nga marsi 1990 deri në dhjetor 1992, mund të apelojë dënimin.

Hetimi masiv i “lava jato” (“lavazhi makinave”), i ka shkaktuar trazira elitës politike të Brazilit.

Qindra politikanë, nëpunës civilë dhe sipërmarrës janë të përfshirë në të gjithë Amerikën Latine.

Edhe presidenti aktual i Brazilit, Luiz Inacio Lula da Silva u dënua me burg në vitin 2017 për korrupsion dhe pastrim parash dhe kaloi 580 ditë në qeli.

Gjykata e Lartë më vonë e anuloi dënimin