Aeroporti Ndërkombëtar “Nënë Tereza” në Rinas mirëpriti sot fluturimin e kompanisë “FlyOne” Armenia.

Ky fluturim shënoi nisjen e një partneriteti të ri dhe rikthimin e lidhjeve direkte mes Shqipërisë dhe Armenisë.

Sipas TIA-s, linja e re do të operojë dy herë në javë, çdo të hënë dhe të enjte, duke ofruar më shumë mundësi udhëtimi për pasagjerët, si dhe duke forcuar lidhjet turistike, ekonomike dhe kulturore mes dy vendeve.

Rrjeti i fluturimeve direkte në TIA vijon të zgjerohet, duke rritur mundësitë e lidhjes së Shqipërisë me tregje dhe destinacione të reja ndërkombëtare.

Burimi ATSH