Presidenti i Komitetit Olimpik Kombëtar Shqiptar, Fidel Ylli, zhvilloi një sërë takimesh të rëndësishme në Kinë, ku ndodhet si i ftuar special në kuadër të Lojërave Aziatike të Plazhit.

Gjatë finaleve të zhvilluara sot, Ylli u takua me Presidentin e Federatës Botërore të Dragon Boat, Claudio Schermi, si dhe me Presidentin e Komitetit Olimpik Kinez dhe njëkohësisht Ministër i Sporteve, Gao Zhidan.

Në fokus të këtyre takimeve ishte forcimi i marrëdhënieve sportive ndërkombëtare dhe zgjerimi i bashkëpunimit në fusha të ndryshme të sportit, përfshirë zhvillimin e disiplinave të reja dhe shkëmbimin e eksperiencave.

Këto kontakte në nivel të lartë konfirmojnë rolin aktiv të Shqipërisë në skenën sportive globale dhe krijojnë mundësi konkrete për projekte të përbashkëta në të ardhmen.

Presidenti Ylli shoqërohej në këtë vizitë nga Sekretari i Përgjithshëm i KOKSH, Gerti Shima, Presidenti i Federatës së Padelit, Erjon Keri, si dhe Presidenti i Federatës së Ping Pongut, Krenar Dila.